Vurria diventà 'nu ciardeniere

pe semmenà 'nu sciore prelibato

ca manco 'e meglio masto 'e stu mestiere

sapesse dì 'stu sciore comm' é nato.

'Sa nuvola varrà terreno 'e testa,

l'annacquarrà 'na lacrema ogni tanto,

'o vede 'o sole e 'nammurrato resta

e cu 'a calore suje l' asciutta 'o chianto.

Sciata 'stu core ' mniez 'a ciente e ciente

suspira doce, e attuorno, pe repare,

nce mette spine ca nun fanno niente:

se sente sulo 'o core a centenare.

E pe' culore ammesco tutt' e sciure!

E pe' profumo ammesco tutt' ardore!

E cercaggio a 'e core triste e scure

e mettere 'nu nomme a chistu sciore.

Stu sciore, dint' e nuvole piantato,

tiene nu nomme: agghiaccia e da calore;

' o ssape sulo ' o core 'nnammurato;

'o murmurreia tremanno e 'o chiamma <ammore>.

 

Rosa Baccana - Brunella Selo www.youtube.com Dal CD "ISo" di Brunella Selo

      Cortesia di Leonardo  Camardella.