Tonin iera fiss� con la politica ma, dopo che el partito  gaveva mand� a �studiar� a Goli Otok el suo amico Berto, el se gaveva calm� un poco. �Meo gaver due soldi de mona in scarsela� el se gaveva dito tra s� e s�, �meo far finta de no saver gnente, star calmi e siti, sopratuto siti e spetar che passi el temporal�. Cuss� ghe gaveva consigli� anche el vecio Jacomo, che iera un comunista dela prima ora e che�l gaveva una grande esperiensa politica.
Chi ha orecchie per intendere intenda.

Jacomo nela sua vita le gaveva passade de tuti i colori, al confino soto el fassismo, nele brigate internassionali nela guera de Spagna, el iera sta perfin in Russia e el gaveva impar� a star al mondo, sensa comprometerse. Tonin ghe domandava, el voleva saver, ma Jacomo no�l parlava mai ciaro, no�l se comprometeva.
�Caro Tonin�, el ghe diseva, �chi sta al suto quando piovi, mus de mona se�l se movi. Se�l se movi e el se bagna, mus de mona se�l se lagna, chi ha orecchie per intendere, intenda!� Tonin intendeva ma el voleva saver qualcossa de pi�, e alora Jacomo ghe ga spieg�:

�Tonin, lori sa tuto, i vien a saver tuto, ti vedi quel grupo de tre omini che i parla tra de lori davanti de l�osteria? Ben, uno de quei tre xe una spia che riferissi tuto. Ti devi star �tento, mai esser in tre, perch� xe matematico, un dei tre xe una spia, ti no ti sa chi, ma un dei tre riferir� tuto quel che dir� e anche de pi�! E alora ti sito, no ti devi dir una parola e gnanche scoresar, perch� se ti scoresi, i riferir� che ti te ga cag� adosso.�.

Tonin gaveva fato tesoro de questi consigli e, de quela volta, se�l vedeva due omini, no�l ghe andava mai visin, perch�, el diseva �alora saremo in tre e xe matematico, uno de noi tre xe la spia, o un de lori due o magari lori i pensa che son mi�. E anche per scoresar el stava ben �tento che no ghe fussi nissun visin, per paura che qualchedun vadi a riferir al referente politico che Tonin se ga cag� adosso.
Tre xe matematico

Xe pass� un poco de tempo e Tonin se gaveva squasi convinto che ormai el peso iera pass� e che a lui no ghe saria pi� sucesso gnente, quando che un giorno lo ga mand� a ciamar el referente politico. �Son freg��, ga pens� Tonin, �qualchedun gavar� fato la spia e chissa cossa el gavar� cont� su de mi, finir� anche mi a Goli Otok a farghe compagnia a Berto�. E, prima de andar dal referente, el ga salud� ben la moglie, el ghe ga fato racomandassioni de cossa che la devi far se lui no�l torna e el se ga fato prontar una valigeta con un per de camise e un cambio de biancheria, che no se sa mai cossa che pol suceder.

El referente lo spetava nel suo uficio e no�l pareva rabiado, ansi, quando che xe riv� Tonin, el ghe ga fato una bona acogliensa. �Caro Tonin�, el ghe ga dito, �compagno fedele, semo restai in pochi ma semo ancora i migliori. El partito ga bisogno de ti, xe un incarico de responsabilit� e son sicuro che ti dimostrer� de esser all�altessa.�
�Come de sicuro ti savar��, ga continu� el referente, �fra pochi giorni xe el compleano del nostro amato presidente, el compagno Tito e, per onorarlo, el partito, i rapresentanti dei lavoratori e le autorit� citadine, ga organis� una stafeta per portarghe i auguri. La stafeta la partir� dai Giardini e, dopo gaver fato el giro dela cit�, la river� in Rena. La nostra sezion la gavar� el privilegio de portar la stafeta per l�ultimo toco de strada fina ala Rena, dove che vegnar� leto el messagio de auguri al microfono. Questo xe un grande onor e mi go pens� subito de darte l�incarico a ti che ti son un compagno fedele e afidabile.�

Tonin iera contento che no�l iera sta ciam� per qualcossa de grave, ma el iera anche preocup� per l�incarico de responsabilit� �se qualcossa va mal�, el pensava,�stavolta i me frega�. Ancora un altro dubio ghe xe vign� e cuss� el ga domand�: �Compagno referente, in quanti se cori per portar �sta stafeta?� � Ma in grupi de tre, Tonin�, ga risposto el referente,�ti in meso, che ti porti el testimonio, dove che xe drento el messagio, e due babe, una per parte. Pensavo ala Lidia, che la xe atletica e ala Norma, che la xe un bel toco de baba e la fa bela figura. Ve vestir� con braghete e maia de ginastica bianche e con el fassoleto rosso, che xe el simbolo del nostro partito, al colo.

Tonin no gaveva gnente de dir sule due babe, ma un pensier lo tormentava, �saremo in tre e xe matematico, uno de noi tre xe la spia, mi no son e alora chi la xe, la Lidia o la Norma? Nel dubio xe meo esser prudenti, mi no dir� gnente, no parler�.�Ghe dispiaseva per�, perch� la Norma la iera veramente un bel toco de baba e saria stada una bona ocasion per conosserla meo e chi sa, forsi podeva nasser qualcossa. E se la xe ela la spia?

Prima de andar via, el referente ghe ga racomand� ancora: �Sta �tento, varda che el testimonio bisogna scambiarselo in corsa e guai se el te casca per tera. Quei che te lo consegner� i xe de la sezion de Castagner e i xe gelosi che noi coremo per l�ultimo toco de strada e che legemo el messagio de auguri al microfono, no voleria che i te fassi qualche scherso, forsi xe meo che ti te aleni un poco.�

A casa lo spetava la moglie preocupada ma lui la ga subito tranquilisada: �Gnente de grave, ansi, el referente me ga d� un incarico de fiducia, devo portar la stafeta per el compleano de Tito in Rena e leger el messagio de auguri al microfono. Saremo in grupo mi, la Lidia e la Norma, ma el testimonio, dove che xe drento el messagio lo porter� mi.�

A sentir i nomi dele babe, la moglie la ga storto el muso. �Ti podevi proporme mi, invesse dela Norma, che con le tete e el cul che la ga, no so mi come che la far� a corer�, la ghe ga dito,�ci�, che no te vegni miga in testa de far el mona con ela perch� varda che mi te lasso!�

Per Tonin questo no saria sta un grande dispiaser, ma no�l gaveva voia de far barufa e alora el ghe ga risposto che chi che doveva corer iera sta deciso del referente e che questo iera un incarico de responsabilit�. No iera tempi de ris�ciar de far i moni con le babe e che anzi, lui gaveva intension de no parlar, de no dir gnente, perche no se sa mai, una dele due babe podeva esser una spia.

El giorno dopo, Tonin ga pens� che iera una bona roba alenarse un poco a ciapar el testimonio in corsa perch�, se�l casca per tera, se fa veramente una bruta figura. El ga tai� un toco de manigo de scova, per far finta che sia el testimonio, e el ghe ga domand� alla moglie de iutarlo. La moglie la ga protest� un poco, che no la ga tempo de perder con ste monade, che la devi andar in mercato, ma ala fine la ghe ga dito de s�, che la lo iuter�. I xe andai in campagneta de drio de la casa e i ga scominci� a far pratica. Tonin stava fermo a spetar e la moglie la coreva. Quando che la rivava visin, Tonin grampava la stafeta e el scominciava a corer. Parevo facile ma le prime volte, un poco per l�ecitassion, un poco perch� la moglie la fasseva aposta, el testimonio el cascava per tera. Ma, dopo un poche de prove, Tonin ga cap� el truco e ala fine el se sentiva sicuro.

E finalmente xe riv� el giorno del compleano. Fin dala matina la radio la trasmeteva musiche patriotiche e messagi de auguri. Sula strada, dove che stava Tonin, passava ciapi de gente che andava verso la Rena con bandiere e strissioni con sora scrito �Auguri al nostro amato presidente, compagno Tito� e �Cento di questi giorni all�eroe popolare della lotta di liberazione, maresciallo Tito� e altri ancora. Tonin gaveva apuntamento con la Lidia e la Norma ale undici ai giardini Valeria, visin el Canotagio.

El se ga pront� per tempo, con le braghete, la maieta de ginastica bianche e al colo el se ga messo el fassoleto rosso, come che ghe gaveva dito el referente. El se ga vard� in specio e el stava proprio ben. Anche la moglie la iera contenta e la ghe ga dito che la lo vegner� a veder in Rena, ma che no�l staghi far el mona con la Norma. Tonin ghe ga risposto che la staghi tranquila e el se ga aviado verso el punto de ritrovo. Co�l xe riv� ai giardini Valeria, le due babe iera z� l� a spetarlo, le ga viste de lontan, bele, tute vestite de bianco, col fazoleto rosso al colo che fasseva un bel contrasto.

La Lidia la iera alta, slanciata con un fisico atletico. La Norma, invese, la gaveva la maieta e le braghete che quasi le scopiava per tignir drento tuta la mercanzia che la gaveva e che la voleva far veder.�Speremo che no le scoppi, intanto che coremo�, ga pens� Tonin ma no ghe saria dispias� per gnente de veder tuto quel che iera soto. �E se la xe ela la spia?�

Indiferente, Tonin ga salud�, serio, e come che el gaveva deciso, no�l ga dito pi� una parola. Le babe, in un primo momento le ga serc� de scherzar de butar le robe in rider. Specialmente la Norma, la ghe fasseva i complimenti perch� el gaveva la gambe bele, muscolose, la ghe domandava se ghe piaseva la sua maieta e intanto la rideva e la tirava in fora el peto. A un certo punto, la ghe ga anche schiz� de ocio, ma lui gnente, duro, sito, gnanche una parola el ga dito e ala fine anche ela la se ga stuf�.

Co se fa i conti sensa l�oste

Iera pi� o meno una mesa ora che i spetava, quando se ga visto rivar dela riva el grupo de Castagner. Tonin ghe ga dito ale due babe de star pronte e anche lui el se ga messo in posission. Intanto el vardava, el sercava de capir chi che iera che portava el testimonio, ma el grupo iera ancora lontan e no�l lo vedeva ben. Quando che el xe riv� pi� visin, lo ga riconoss�, iera el mulo Marieto de Castagner, quel che ghe fregava tute le s�cinche, quando che i iera fioi. El se ricordava che�l ghe gaveva freg� anche la pi� bela s�cinca ch�el gaveva; una marmaia che la valeva 12 colpi.

Tonin ga pens�: �Questo me vol fregar anche con la stafeta, ma mi sar� pronto e lo bater� sul tempo�. E cuss� el ga fato. No�l ga spet� che Marieto ghe rivi visin, lui lo ga anticip� sul tempo, el ghe xe and� incontro, el ga gramp� el testimonio e via de corsa verso la Rena, con le due babe che ghe correva drio. Tonin iera contento. �Anche questa la xe andada, adesso ancora un cento metri e semo rivadi, podar� leger el messagio al microfono, che onor!�

Ma el gaveva fato i conti sensa l�oste. Iera una scaleta per andar sul palco, dove che stava el referente politico e tute le autorit� e dove che Tonin doveva leger el messagio al microfono. Solo che, co� iera el socialismo, no se fasseva i scalini tuti precisi, iera libert� de costrussion, scalini bassi e alti, a piacere, nissun controlava. E un scalin pi� alto ga freg� Tonin. Lo ga urt� col pie e el xe and� z� come un perognoco, le due babe sora de lui e el testimonio xe svol� in alto sul palco. Quei che iera vignudi a manifestar i rideva come mati e le robe saria finide veramente in vaca se el referente no fussi sta pronto a ricuperar el testimonio e a leger lui el messagio de auguri.

De quela volta a Tonin no i ghe ga d� pi� incarichi de responsabilit� e ogni ano, quando che iera el compleano de Tito, lui el iera esent� de partecipar ale manifestazioni, ansi el gaveva l�ordine tassativo de no moverse de casa per no far altri dani.

La Voce del Popolo 03/07/10 Ciacolade - La stafeta per Tito, di Roberto Stanich.  A cura di Roberto Palisca.

BASE        HOME