La mia rendizione dei primi 50 anni
50 anni, anzi 54! Una vita!
Attraversando l'oceano, nel lontano 1950, con la mama (erimo sole), la mia pi� grande smania era quela che, arivando a la destinazione non saver� parlar con nissun non sapendo la lingua, e me son promessa che entro el ano la savr�, cos� era.
La nostra destinazion era il West, cio� il Western Australia, e sbarcati da la nave i ne ga trasport� su un treno.
Dove? Non sapevimo, tanto non se capiva niente!
Dopo circa due ore semo arivadi in un posto che se ciamava Northam, ma no cit�; bosco, dove iera dele caserme de ex prigionieri de guera.
Imagineve, muri de coverte! In mezo de niente, gabineti, ... ma che gabineti, bidoni...e s�, a quei tempi non solo i campi de raccoglimento gaveva i bidoni, ma anche tante case normali.
L'Australia, a quei tempi, era veramente lontana dal resto del mondo, e anche indietro del resto del mondo!
Ma se la gavemo cav� lostesso.
Magnar, non iera niente de cossa che noi erimo abituadi: spagheti i iera in scatola, buro era solo col sal, carne ghe ne iera in abondanza, ma no i sapeva taiarla; per lori - intendo i australiani - iera solo bisteche de pecora, anzi castron, che el spuzava che non ve digo. Vitel non se sapeva che el esisti; carne de maial qualche volta, pessi, s�, ma solo fete de pessecan, e altri tipi, ma no sardeline, sgombri non se parla, e nianche calamari. Le sardeline e i calamari era solo per esca!
Fruti: naranze [aranci] (quel che me ga colpido pi� de tuto era che i meteva sal su le naranze) pomi, peri e banane.
Verdure: bisi [piselli], capuzi, no verze, salata, cavoli e altre poche robe, aio [aglio] nianche parlar.
Oio de oliva era solo in farmacia, per uso medicinale, quasi tuti i cusinava col sevo!
Man man che i ani passava le varie nazionalit� ga incominci� a importar e aprir negozi de comestibili, domandar dal pessivendolo de farghe aver pessi diversi, anche perch� ga incominci� pescar e vender, i macelai italiani apriva i sui negozi, e pian pian i australiani se emancipava.
Abitazioni: anche l� iera un poco de problema, le cusine gaveva la caldaia per cusinar la roba, intendo dir la biancheria; i gabineti iera in fondo del teren, e in molti casi dove non iera le fogne era i bidoni che i camion vegniva prender una o due volte per setimana.
Se uno abitava in afito, come quasi tuti i primi ani, i contatori del gas andava avanti con i penny (frazione della sterlina), se non ti gavevi i penny non ti magnavi!
Dopo, era quele brave persone che i afitava ste camere, e i dava el "coprifuoco". Dopo le sei de sera non se poteva cusinar!
Proprio l'altro giorno, al raduno de Adelaide, con la mia conoscente de Perth se parlava de questo: ti se ricordi, Ina, quando la tua mama la xe andada in cusina per farte una camomila perch� ti stavi mal e la strega la te ga mand� via zigandola [sgridandola] che xe pass� l'ora de cusinar?
Le mosche! Mama mia quante, non se poteva caminar per la strada; xe un detto in Australia: cio�, "il saluto australiano", quelo de sventolarse la man davanti el viso per scaziar le mosche, opur, come faceva i veci de qua, un capel con la falda grande e tappi de sugaro con spaghi che ghe pindolava: scaccia mosche!
Acqua: sempre mancanza; sfortunatamente questo xe un paese arido, ma bever acqua de una borsa de tela? Anche quel se gavemo impar�, ma no per molto tempo, ve lo garantisso.
Quando erimo in treno per andar in questo campo de raccoglimento, mi lo ciamo campo profughi, vedevimo tute queste casette, noi che ierimo abituadi a veder palazzi, ne pareva de veder casette de nani; per�, ne ga fato una bela impression, quela che non se potr� dar fastidio da quel de soto de noi se se camina con un passo un po' pesante, e anche i fioi sar� pi� liberi e i potr� corer senza disturbar nissun.
In 50 ani voi non pot� imaginar come l'Australia ga cambi�, non solo, ma i australiani. Adesso i spagheti non i ghe somiglia ai vermi, i calamari xe prelibati, i ristoranti xe pieni de gente e de tuto. Non se una pi� "egg steack and chips", che saria ovi, bistecca e patate fritte, de altro iera assai poca scelta.
Le case non ga pi� bidoni per gabineti, anzi, adeso bisogna gaver due bagni (mi so solo uno), uno personale e uno per i fioi, non xe pi� la caldaia in cusina, la lavanderia xe separata.
L'acqua, anche se la manca, la core sempre dal rubineto. Mi credo che le borse i le ga solo nel deserto, anche quel, solo co i va in safari.
__________
Da "In corso Fiuman" numero di marzo - aprile 2004.
[Informa la redazione australiana che tutte le memorie simili alla presente saranno pubblicate e conservate nell'ARCHIVIO MUSEO STORICO DI FIUME a ROMA].
__________
BASE HOME